Մթերային խանութի վառառողուհուն ծեծել են ու հափշտակել գումարը

Նոյեմբերի 24-ին, ժամը 18.55-ին, ոստիկանության Կենտրոնականի բաժնում  հաղորդում է ստացվել, որ երկու անհայտ անձինք Չարենցի փողոցում գտնվող մթերային խանութում ծեծի են ենթարկել վաճառողուհուն և գողացել դրամարկղում եղած գումարը:

Պարզվել է, որ ժամը 18.30-ի սահմաններում, երկու անհայտ անձինք մուտք են գործել մթերային խանութ, սպառնացել ու քաշքշել վաճառողուհուն, այնուհետև բացահայտ հափշտակելով դրամարկղում եղած 100.000 դրամ գումարը՝  դիմել են փախուստի:

Ոստիկանության լրատվալան ծառայության փոխանցմամբ` ձեռնարկվում են միջոցառումներ հանցագործություն կատարած անձանց ինքնությունը պարզելու և նրանց հայտնաբերելու ուղղությամբ: