Եվրո-2012-ի ամբողջական խաղացանկը. Ռուսաստանի նվերն ու մահվան խումբը

Երեկ երեկոյան Ուկրաինայի մայրաքաղաք Կիևում կայացավ 2012 թվականի Եվրոպայի առաջնության եզրափակիչ փուլի վիճակահանությունը, որը բավականաչափ անհավասարակշիռ ստացվեց:

A խմբում, որտեղ առաջին համարն առաջնության կազմակերպիչ երկրներից մեկն էր` Լեհաստանը, կխաղան նաև Հունաստանի, Ռուսաստանի և Չեխիայի ընտրանիները:

Այս խումբը կարելի է հակամահվան խումբ անվանել, որովհետև նման թույլ կազմ Եվրոպայի առաջնությունների պատմության ընթացքում երբեք չի եղել: Այստեղ բախտն ակնհայտորեն ժպտացել է բոլոր թիմերին. 4-ն էլ հաջորդ փուլ դուրս գալու հնարավորություն են պահպանում, իսկակնհայտ ֆավորիտ չկա:

Հարկ է նշել, որ, ինչպես գրեթե բոլոր վերջին տարիների վիճակահանությունների ընթացքում բախտը ժպտացել է Ռուսաստանի ընտրանուն, որը անշուք խաղ էր ցուցադրում ընտրական փուլում: Թիմը Եվրոպայի առաջնության հաջորդ փուլ դուրս գալու հնարավորություն կստանար միմիայն նման խմբում հայտնվելու դեպքում, ինչն էլ տեղի ունեցավ:

Փոխարենը B խումբը մասնագետներն արդեն հասցրել են մահվան խումբ կնքել: Այստեղ մրցելու են աշխարհի փոխչեմպիոնները` Հոլանդիայի հավաքականը, Եվրոպայի փոխչեմպիոն Գերմանիան, Կրիշտիանու Ռոնալդուի առաջնորդությամբ հանդես եկող Պորտուգալիան և Դանիան, որը հրաշալի ընտրական փուլ է անցկացրել` խմբում շրջանցելով նույն Պորտուգալիային և զբաղեցնելով առաջին տեղը: B խումբ պայքարը նույնքան անկանխատեսելի է, սակայն այստեղ ֆավորիտ կարելի է անվանել Գերմանիային, որը վերջին երկու տարիների ընթացքում գերարդյունավետ ֆուտբոլ է խաղում:

C և D խմբերն ավելի հավասարակշռված կազմ ունեն: Դրանցից առաջինում խաղալու են Իսպանիան, Իտալիան, Խորվաթիան և Իռլանդիան, իսկ երկրորդում` Ուկրաինան, Շվեդիան, Ֆրանսիան և Անգլիան:

Վիճակահանությունը բավական հետաքրքիր նվեր է պատրաստել երկրպագուներին, որոնք արդեն իսկ առաջին տուրում ականատես կլինեն Իսպանիա-Իտալիա և Ֆրանսիա-Անգլիա հակամարտություններին:

Նշենք, որ Եվրոպայի առաջնության բացման խաղը կկայանա հունիսի 8-ին, Երևանի ժամանակով 21:00-ին Վարշավայում, որտեղ կմրցեն Լեհաստանի և Հունաստանի հավաքականները:

Մրցաշարի խաղացանկն ամբողջությամբ.

A խումբ

 

Հունիս 8

21:00 Լեհաստան-Հունաստան

23:45 Ռուսաստան-Չեխիա

Հունիս 12

21:00 Հունաստան- Չեխիա

23:45 Լեհաստան-Ռուսաստան

Հունիս 16

23:45 Հունաստան-Ռուսաստան

23:45 Չեխիա -Լեհաստան

B խումբ

Հունիս 9

21:00 Հոլանդիա-Դանիա

23:45 Գերմանիա-Պորտուգալիա

Հունիս 13

21:00 Դանիա-Պորտուգալիա

23:45 Հոլանդիա-Գերմանիա

Հունիս 17

23:45 Դանիա-Գերմանիա

23:45 Պորտուգալիա- Հոլանդիա

C խումբ

Հունիս 10

21:00 Իսպանիա-Իտալիա

23:45 Իռլանդիա-Խորվաթիա

Հունիս 14

21:00 Իտալիա-Խորվաթիա

23:45 Իսպանիա-Իռլանդիա

Հունիս 18

23:45 Խորվաթիա-Իսպանիա

23:45 Իտալիա- Իռլանդիա

D խումբ

Հունիս 11

21:00 Ֆրանսիա-Անգլիա

23:45 Ուկրաինա-Շվեդիա

Հունիս 15

21:00 Շվեդիա-Անգլիա

23:45 Ուկրաինա-Ֆրանսիա

Հունիս 19

23:45 Շվեդիա-Ֆրանսիա

23:45 Անգլիա-Ուկրաինա

¼ եզրափակիչ

Հունիս 21

23:45 A1-B2

Հունիս 22

23:45 B1-A2

Հունիս 23

23:45 C1-D2

Հունիս 24

22:45 D1-C2

Կիսաեզրափակիչ

Հունիս 27

23:45 Առաջին քառորդ եզրափակչի հաղթողը կմրցի երրորդ քառորդ եզրափակչի հաղթողի հետ:

Հունիս 28

23:45 Երկրորդ քառորդ եզրափակչի հաղթողը կմրցի չորրորդ քառորդ եզրափակչի հաղթողի հետ

Հուլիս 1

23:45 Կիև Օլիմպիական ստադիոն