ՀՀ երեք նախագահները «Մարտի 1-ի» գործով չեն հարցաքննվի

Մարտի 1-ի գործով քննչական խումբը չի պատրաստվում հարցաքննել ՀՀ երեք նախագահներից որևէ մեկին:

Այս մասին «Ժողովուրդ» օրաթերթին տեղեկացրել է «Մարտի 1-ի» գործով քննչական խմբի նոր ղեկավար, ՀՔԾ քննիչ Վաղինակ Ջանազյանը:

«Այդ հարցին բազմիցս անդրադարձ եղել է: Նախաքննությամբ նման անհրաժեշտություն  չի առաջացել», – ավելացրել է նա` վստահեցնելով, որ ամեն ինչ անելու է մարտի 1-ը բացահայտելու համար.

«Ես իրավաբան եմ, քննիչ և քաղաքական գործունեությամբ չեմ զբաղվում: Կարող եմ փաստել, որ որպես քննչական խմբի նոր ղեկավար` նույնպես շահագրգռված եմ մահվան բոլոր հանգամանքների լիարժեք բացահայտման հարցում»: