Տղամարդը պոկել է հուշարձանի ձեռքը և նետել «Աղստև» գետը

Դեկտեմբերի 9-ին Իջևանի քաղաքապետարանից ոստիկանության Իջևանի բաժնում հաղորդում է ստացվել, որ անհայտ անձը կոտրել է Իջևանի քաղաքային զբոսայգում տեղադրված, պատմամշակութային արժեք ներկայացնող «Զարթոնք» հուշարձանի աջ ձեռքը, հայտնում է ՀՀ ոստիկանության կայքը:

Ոստիկանության ծառայողները պարզել են, որ հուշարձանի աջ ձեռքը քարով կոտրել և «Աղստև» գետն է նետել 51-ամյա Մարտուն Ղ.-ն:

Կատարվում է հետաքննություն: