Ամանորյա գիշերը տրանսպորտը կաշխատի մինչև ժամը 2:00-ն

Երևանի քաղաքապետ Տարոն Մարգարյանի կարգադրությամբ Ամանորի տոնական օրերին մայրաքաղաքում բնակչության տրանսպորտային սպասարկումը պատշաճ մակարդակով կազմակերպելու նպատակով՝ Երևանի մետրոպոլիտենի և ներքաղաքային վերգետնյա ուղևորատար տրանս­պորտի աշխատանքի տևողությունը 2011թ. դեկտեմբերի 31-ին երկարացվել և  աշխատանքի ավարտը սահմանվել է 2012թ. հունվարի 1-ի ժամը 2⁰⁰ -ը:

2012թ. հունվարի 1-ից մինչև 8-ը ներառյալ՝ ներքաղաքային հասարակական տրանս­պորտի աշխատանքի ավարտը սահմանվել է ժամը 24 ⁰⁰-ը:

2012թ. հունվարի 9-ից ներքաղաքային հասարակական տրանսպորտի աշխա­տանքը կկազմակերպվի ամենօրյա գրաֆիկով:

Քաղաքապետի նույն կարգադրությամբ 2011թ. դեկտեմբերի 30-ի ժամը 18⁰⁰-ից մինչև 2012թ. հունվարի 9-ի ժամը 9⁰⁰-ը՝ ներ­քաղաքային ուղևորափոխադրումներ իրականացնող ընկերություններում սահմանվել  է հեր­թապահություն: Այս մասին հայտնում է Երևանի քաղաքապետարանի աշխատակազմի տեղեկատվության և հասարակայնության հետ կապերի վարչությունը: