Home / Հայաստան / Կիմ Չեն Իրին տարան դամբարան. Հյուսիսային Կորեային միավորում են սգո շուրջ

Կիմ Չեն Իրին տարան դամբարան. Հյուսիսային Կորեային միավորում են սգո շուրջ

Հարյուր հազարավոր մարդիկ այսօր հավաքվել են Հյուսիսային Կորեայի մայրաքաղաք Պհենյանի կենտրոնական հրապարակում դեկտեմբերի 17-ին մահացած առաջնորդ Կիմ Չեն Իրի հիշատակին նվիրված սգո վերջին արարողությանը մասնակցելու, հայտնում է BBC-ի ռուսական ծառայությունը:

Այսօր Կենտրոնական բեմահարթակին է գտնվել Կիմ Չեն Իրի որդին և ժառանգորդը` Կիմ Չեն Ինը, որին Հյուսիսկորական քարոզչությունն արդեն իսկ որպես «հզոր ժառանգորդ» է ներկայացնում:

Նախօրեին սգո շարասյունը, որն առաջնորդում էր Կիմ Չեն Իրի դագաղը տանիքին կրող լիմուզինը, անցել է մայրաքաղաքի փողոցներով, որպեզի ժողովուրդը կարողանա հրաժեշտ տալ «հզոր առաջնորդին»:

Ուղիղ հեռարձակման ժամանակ երևում էր ինչպես է սգո շարասյունն անցնում հարյուր հազարավոր մարդկանց կողքով, որոնք հեկեկում էին և առաջնորդի անունը բղավում:

Նրա մարմինը գտնվում է Կիմսուսան հուշահամալիրային պալատում` նրա հոր ԿԺԴՀ-ի հիմնադիր Կիմ Իր Սենի կողքին:

Ինչպես նշում է BBC-ն, սգո այս բեմականացված արարողությունը, շքերթը և մարդկանց թափորը կոնկրետ քաղաքական նպատակ ունի. Միավորել երկիրը միասնական սգո գաղափարի շուրջ, որպեսզի իշխող ռեժիմը կարողանա ապահովել իշխանության հանգիստ փոխանցման գործընթացը:

Սեուլում ամենից շատ վախենում են, որ նոր թույլ հյուսիսկորեական առաջնորդը կփորձի իր դիրքերն ամրապնդել իր հարավային հարևանի հետ հերթական զինված հակամարտությամբ:

BBC-ի թղթակցի խոսքով` սգո արարողությանը հարյուր հազարավոր, իսկ որոշ գնահատականներով, նաև միլիոնի հասնող մարդկանց մասնակցությունը կոչված է աշխարհին ապացուցելու, որ Հյուսիսային Կորեայի իշխանությունը իշխող ռեժիմի վերահսկողության տակ է գտնվում և Կիմ Չեն Իրի մահը չի թուլացնի այն: