Մաշտոցի այգին պաշտպանող բնապահպաններին այցելել են հայտնի մարդիկ (ՏԵՍԱՆՅՈՒԹԵՐ)

Բնապահպան ակտիվիստները, ովքեր արդեն 2-րդ շաբաթն է` շարունակում են նստացույցը Մաշտոցի այգում, երեկ նշել են «Բարեկենդանի» տոնը` իրենց միանալու հրավիրելով բոլոր ցանկացողներին:

Մաշտոցի պուրակում բնապահպաններին այցելել են շոու բիզնեսի ներկայացուցիչներ, քաղաքական, հասարակական գործիչներ, այդ թվում` Հովհաննես (Հովո ) Ազոյանը, Հայկ (Հայկո) Մարությանը, Անահիտ Բախշյանը, Նվեր Մնացականյանը, Երվանդ Մանարյանը, ինչպես նաև հասարակ քաղաքացիներ, երեխաներ:

Նշենք, որ այսօր` ժամը 13.00-ին, այգում կազմակերպված նստացույցի մասնակիցները կհավաքվեն Երևանի քաղաքապետարանի առջև` պահանջելու քաղաքապետից փոխել որոշումը և Մաշտոցի այգում ապամոնտաժել առևտրի տաղավարները:

Հիշեցնենք, որ բնապահպանները պահանջում են քաղաքային իշխանություններից այգում չտեղադրել Աբովյան փողոցից ապամոնտաժված կրպակները: