Տեր-Պետրոսյանը դիտորդական առաքելության ղեկավարի հետ խոսել է բացակա ընտրողների տվյալների մասին

Մարտի 31-ին ՀՀ առաջին նախագահ Լևոն Տեր-Պետրոսյանը հանդիպել է ԵԱՀԿ/ԺՀՄԻԳ դիտորդական առաքելության ղեկավար Ռադմիլա Շեկեռինսկայի հետ:

Տիկին Շեկեռինսկայի խնդրանքով նախագահ Տեր-Պետրոսյանը ներկայացրել է առաջիկա խորհրդարանական ընտրությունների օրինականության ապահովման վերաբերյալ իր նկատառումները: Առաջին նախագահը հատուկ կարևորել է ընտրողների ցուցակից բացակա ընտրողների տվյալների մաքրումը, նրանց ընտրելու իրավունքն ապահովելով լրացուցիչ ցուցակներում ընդգրկվելու հնարավորությամբ:

Հանդիպմանը պայմանավորվածություն է ձեռք բերվել ԵԱՀԿ/ԺՀՄԻԳ երկարաժամկետ դիտորդների և Կոնգրեսի մարզային շտաբերի համագործակցության վերաբերյալ:

Հանդիպմանը մասնակցել են Հայ Ազգային Կոնգրեսի կենտրոնական գրասենյակի ներկայացուցիչներ Ավետիս Ավագյանը և Վլադիմիր Կարապետյանը: