Հայկական հեռուստատեսությունների բարեխղճությունը զարմացրել է փորձագետին

Նախընտարական ժամանակահատվածի ապրիլի 8-17 օրերին հեռուսառադիոալիքների  աշխատանքում  նկատվում է աշխատելաոճի  դրական փոփոխություն:  Այս մասին լրագրողների հետ հանդիպմանը  հայտարարել է  խորհրդարանական ընտրությունների լուսաբանման մշտադիտարկում  իրականացնող Երևանի մամուլի ակումբի նախագահ Բորիս Նավասարդյանը:

Ի դեպ, այս շաբաթ իրականացվել է ոչ միայն նախընտրական հաղորդումների մշտադիդարկում, այլև բոլոր հաղորդումների, որոնք հերառձակվում են ժամը 18.00-01.00-ը: Եվ եթե ՀՌԱՀ-ը ուսումնասիրում է միայն օրենքի հետ համաձայնությունը, ապա մամուլի ակումը ուշադրություն է դարձնում նաև, թե ինչպես են հեռուսատեսությունները պահպանում պրոֆեսիոնալ նորմերը:

«Զարմացած եմ, թե ինչքան բարեխիղճ են հեռուսատեսությունները մոտենում ընտրարշավի եթերի տրամադրանը: Լավ կլիներ` նման բարեխղճություն դրսևորեին նաև  քաղաքական կուսակցությունները:  Շարունակվում են  թեկնածուների հրավիրել բանավեճերի: Ընտրությունների հետ կապ չունեցող ակտիվություն են դրսևորում պաշտոնյանները:  Ցանկալի է, որ այդպիսի հանրային հանդիպումները և միջոցառումները քիչ լինեն  նախընտրական շրջանում, այլ ոչ թե հակառակը»,- ասել է Բորիս  Նավասարդյանը:

Բանախոսը նկատել է, որ անցած շաբաթ  հաճախականության առումով   ամենաշատը լուսաբանվել են  ՀՀԿ-ն, ԲՀԿ-ն և ՀՅԴ-ն: Ծավալային առումով` «Կենտրոն» հեռուստաալիքով ամենաշատը լուսաբանվել է ԲՀԿ-ն, իսկ «Երկիր Մեդիա»-ի եթերով`  ՀՅԴ-ն:

ԶԼՄ-ների  աշխատանքի դրական փոփոխությունը, ըստ Նավասարդյանի, պայմանավորված է նրանով, որ ընտրությունների որակի հետ կապված լուրջ ակնկալիքներ կան և ներսում, և դրսում, իսկ լրատվամիջոցների աշխատանքը ընտրությունների գանահատման կարևոր բաղադրիչ է: Բորիս Նավասարդյանը նկատել է, որ, օրինակ, Հ1–ի եթերում հանրահավաքները լուսաբանելուց  տեսանյութերի վերջում արվել է  5 բլից հարցում հանրահավաքի մասնակիցների  շրջանում, 5-ն էլ` ՀՀԿ  հանրահավաքների մասին: Եթե նույնիսկ նման սխալ բաշխումները դիտավորյալ չեն արվում, Նավասարդյանը հորդորել է խուսափել այսպիսի կողմնապահումներից: