Epress.am Լուրեր Հայաստանից
Կոտայքի մարզպետ Կովալենկո Շահգալդյանը չի կարողանում ՀՀԿ-ի համար ապահովել ձայների այն քանակը, որը խոսք է տվել ղեկավարությանը:
«Երկիր» թերթի փոխանցմամբ` ՀՀԿ-ում անգամ շշուկներ կան, որ ընտրություններից հետո «ղեկավարությունը» կազատվի Կոտայքի մարզպետից, իսկ մարզից թերթին հասած լուրերի համաձայն, մարզպետը ձայներ ապահովելու համար ընկել է դռնեդուռ:
Նա գրեթե ամեն օր հավաքներ է կազմակերպում գյուղապետների հետ: Ինչպես մարզպետի հետ են խիստ խոսել ՀՀԿ-ում, նույն տոնով էլ մարզպետը խոսում է իր ենթակաների հետ: Հարցը նա կտրուկ է դրել, եթե գյուղապետները չկարողացան խոստացված ձայներն ապահովել` «լավ չի լինի»: ՀՀԿ-ում անգամ պատմում են, որ մարզպետն անհնազանդների ցուցակ է կազմել, որն ամեն օր բացում և յուրաքանչյուրի անվան դիմաց կատարած աշխատանքը մինուս-պլյուսով է արձանագրում, գրում է թերթը: