Պատգամավորի թեկնածուի քարոզարշավը խոչընդոտողներին փնտրում են. Ոստիկանություն

Ապրիլի 27-ին, ժամը 17.10-ին ոստիկանության Էրեբունու բաժին է ահազանգել ՀԱԿ թիվ 13 ընտրատարածքի պատգամավորի թեկնածու Վիոլետա Պետրոսյանը  և հայտնել, որ ժամը 14.20-ի սահմաններում, Մ. Խորենացու փողոցի թիվ 229 հասցեի մոտակայքում, քարոզարշավի ժամանակ, անհայտ անձինք իրենց խոչընդոտել են:

Մեկնած օպերատիվ խմբին Պետրոսյանը հայտնել է, որ բնակիչներին քարոզչական նյութեր տրամադրելու ժամանակ իրեն են մոտեցել միջին տարիքի 7-8 տղամարդիկ և գոռգոռալով պահանջել հեռանալ, ինչի պատճառով քարոզարշավը դադարեցվել է:

Ձեռնարկվում են միջոցառումներ նշված անձանց հայտնաբերելու ուղղությամբ, հայտնում է Ոստիկանության պաշտոնական կայքը: