Մայիսի 6-ին ռուսաստանյան ընդդիմությունը «Միլիոնների երթ» կանցկացնի

Մոսկվայի քաղաքապետարանը արտոնել է ռուսաստանյան ընդդիմության մայիսի 6-ի «Միլիոնների երթն» ու հանրահավաքը, հայտնում է «Ինտերֆաքսը»:

Երթը կայանալու է Յակիմանկա փողոցում, իսկ հանրահավաքը` ընդդիմության խորհրդանիշ դարձած Բոլոտնայա հրապարակում: Ըստ քաղաքապետարան ներկայացված դիմումի` ակցիայի  մասնակիցների թիվը 5 հազար է լինելու:

Հիշեցնենք, որ ձմռանը ընդդիմության անցկացրած հավաքներին մասնակցում էին տասնյակ հազարավոր մարդիկ, չնայած քաղաքապետարանը ավելի քիչ թվով հանրահավաքի արտոնություն էր տալիս: