«Մաշված ջինսերը» հարյուրավոր կյանքեր են խլել

Մաշված ջինսեր կրելու մոդան արդեն հարյուրավոր կյանքեր է խլել և հազարավոր մարդկանց հաշմանդամության պատճառ է դարձել, հաղորդում է ամերիկյան ABC հեռուստաալիքը:

Ներկայումս Իսպանիայում Zara, H&M, Levi’s, Diesel և Lee ապրանքանիշերի  ցանկացած խանութում շարունակում են «մաշված ջինսեր» վաճառել, որոնց «օգտագործված» տեսքը ստացվում է վտանգավոր sandblasting տեխնոլոգիայի շնորհիվ: sandblasting-ի դեպքում ավազի շիթը ջրի հետ միասին որոշակի ճնշման տակ կտորի վրա է ուղղվում:

Այս մեթոդը արգելվել է Եվրոպայում դեռ 1966 թվականին, բայց այն ապօրինաբար շարունակում էր կիրառվել բավական երկար ժամանակ, մինչև Ասիական երկրներ փոխադրվելը, որտեղ մարդկանց առողջության մասին կարելի է չմտահոգվել համապատասխան օրինագծի բացակայության շնորհիվ: Նման աշխատանքի արդյունքում առաջացող ամենատարածված հիվանդությունը թոքերի հիվանդությունն ու սիլիկոզն է: