Սահմանադրական դատարանը մերժեց ՀԱԿ-ի դիմումը

Այսօր Սահմանադրական դատարանը ուժի մեջ է թողել ԿԸՀ-ի որոշումը, դրանով իսկ օրինական համարելով ընտրությունների համամասնական ընտրակարգով մայիսի 6-ին կայացած ԱԺ ընտրությունների արդյունքները:

Հիշեցնենք, որ Հայ Ազգային Կոնգրես դաշինքը դիմում էր ներկայացրել ՍԴ` պահանջելով անվավեր ընտրությունների արդյունքները:

Կոնգրեսի դիմումը ՍԴ-ում ներկայացնող փաստաբան Վահե Գրիգորյանը Epress.am-ի հետ զրույցում ասել է, որ դատարանի պաշտոնական վճիռը դեռ չի ստացել և, այն ստանալուն և ուսումնասիրելուն պես, մեկնաբանություն կտա: