Home / Հայաստան / Արամ Մանուկյանը ունի և պատրաստ է տրամադրել վարչապետի հարցազրույցի ձայնագրությունը

Արամ Մանուկյանը ունի և պատրաստ է տրամադրել վարչապետի հարցազրույցի ձայնագրությունը

Հայ Ազգային Կոնգրես խմբակցության քարտուղար Արամ Մանուկյանն այսօր ԱԺ-ում  հայտարարել է, որ երեկ ինքը մեկ րոպեի մեջ կարողացել է անել այնպես, որ ՀՀ վարչապետը երեք սխալ թույլ տալ:

Առաջին սխալը, ըստ Մանուկյանի, կապված է արտագաղթի տվյալների հետ: Երեկ Մանուկյանը հայտարարել էր, որ 1990-2011 թթ.  934 000 մարդ է արտագաղթել ընդհանրապես, դրանից 330 000-ը Ադրբեջանից եկածներն էին, որոնք Հայաստանի քաղաքացիություն չստացան: 275 00-ը աղետի գոտու արտագաղթածներն են: Իսկ ընդհանուր դրանից հետո արտագաղթածներից 320 000-ը Տիգրան Սարգսյանի օրոք է եղել:

«Հետո մի մոռացեք` ՀՀ բնակչության կեսը  բնակարաններից զրկվեց, պատերազմական վիճակ էր և այլն: Իհարկե, արտագաղթ եղել է,  ո՞վ է ասում, որ չի եղել,  բայց վիճակը, պատերազմից 18 տարի հետո  արտագաղթի պայմանները  մոտիվացիաները, բնականաբար, ուրիշ են», – ասել է Մանուկյանը:

Արամ Մանուկյանը հայտարարել է նաև, որ վարչապետը սխալ է թույլ տվել՝ ասելով, որ «168 ժամը» սխալ է հասկացել և հերքել է արտագաղթի վերաբերյալ իր մտքերը:

Մանուկյանի խոսքով՝ վարչապետի՝ արտագաղթի մասին հայտարարության ձայնագրությունն իր մոտ կա և ինքը այն կարող է տրամադրել:

«Պարոն վարչապետ, մենք ասում էինք ձեզ, որ ձեզ համար դժվար է լինելու պատասխանելու մեր հարցերին: Մի քիչ ձեր իմունիտետը կորել է, լուրջ ընդդիամդիրներ, երևի, չեք ունեցել: Էն փաստերը, որ երեկ ներկայացվել են, հերիք են  հինգ կառավարության անվստահություն հայտնելու, հրաժարականը պահանաջելու համար»,- ասել է Արամ Մանուկյանը: