Մանկատան շրջանավարտներին կբնակեցնեն Շիրազի փողոցի շենքերում

Շիրազի փողոցի վերանորոգված և վերակառուցված երեք բնակելի շենքերում  կառավարության որոշմամբ 59 բնակարան հատկացվելու է  մանկատան 27 շրջանավարտի, ինչպես նաև սոցիալական այլ խմբերի պատկանող անձանց, որոնք ունեն բնակարանի կարիք: Այդ մասին այսօր կառավրության նիստից հետո լրագրողների հետ զրույցում ասել է ՀՀ Աշխատանքի և սոցիալական հարցերի նախարար Արտեմ Ասատրյանը:

«Այս որոշմամբ շենքերի հարակից տարածքների բարեկարգման խնդիրներն են նաև լուծվում, որպեսզի  սեպտեմբերին մենք կարողանանք ապահովել այդպիսի բնակարանների բնակեցման հարցը»,- ասել է նախարարը:

Արտեմ Ասատրյանի խոսքով՝ այս պահին հաշվառված է առանց ծնողական խնամքի մնացած 300 երեխա, որոնց արդեն տրամադրվում են համապատասխան բնակարաններ:

Նախարարը նաև տեղեկացրել է, որ Թբիլիսյան խճուղում ձևավորվող սոցիալական բնակարանային ֆոնդը ևս 80 ընտանիք կաբահովի բնակարանով: