Հուդայականներն ու մահմեդականները միավորվել են Բեռլինում հանուն թլպատման իրավունքի

Հուդայականներն ու մահմեդականները Բեռլինում բողոքի ակցիա են անցկացրել՝ընդդեմ երկրում ընդունված թլպատումն արգելող օրենքի:

Ակցիային մասնակցել է շուրջ 300 հոգի: Նրանք պահանջել են վերանայել օրենքը:

Ինչպես նշում է «Նեզավիսիմայա գազետա» պարբերականը՝ հունիսին Քյոլնի շրջանային դատարանը կրոնական դրդապատճառներով տղաների թլպատումը իրավաբանորեն հավասարեցրել է մարմնական վնաս պատճառելուն: Դատարանի կարծիքով՝ դա «ոտնահարում է երեխայի՝ մարմնի անձեռնմխելիության իրավունքը»: