Home / Տեսանյութեր / Ում է հաշվետու Սննդի անվտանգության ծառայությունը. Պատագմավորը բացատրել է նախարարին

Ում է հաշվետու Սննդի անվտանգության ծառայությունը. Պատագմավորը բացատրել է նախարարին

Գյուղատնտեսության ոլորտում 2011թ. պետական բյուջեի կատարման մասին տարեկան հաշվետվության քննարկումների ժամանակ գյուղնախարար Սերգո Կարապետյանին ԱԺ ՀՅԴ խմբակցության պատգամավոր Արծվիկ Մինասյանը հարցրել է, թե ինչու նախարարը չի անդրադարձել սննդի անվտանգության խնդրին:

Սերգո Կարապետյանն ասել է, որ Անվտանգության պետական ծառայությունը հաշվետու չ է ՀՀ գյուղատնտեսության նախարարությանը:

Արձագանքելով այդ պատասխանին՝ ՀՅԴ-ական պատգամավորն ասել է, որ եթե նախագահի հրամանագրով ամրագրվում է, որ այդ ծառայությունը ՀՀ գյուղատնտեսության նախարարության կառավարման ոլորոտում է, ապա պարզապես չի կարող հաշվետու չլինել:

«Եթե կա այլ իրավական ակտ, որը հակասում է նախագահի այս հրամանագրին՝ նշանակում է այդ իրավական ակտը պետք է փոխել: Ի՞նչ է նշանակում հաշվետու չէ, եթե հաշվետու չէ, ուրմեն պետք է փոփոխվի այնպես, որ հաշվետու լինի», – ասել է Արծվիկ Մինասյանը:

Նշենք, որ, ըստ կանոնակարգի, Մինասյանի դիտարկումից հետո նախարարի պատասխան չէր կարող հետևել, քանի որ հարկավոր էր անցնել հաջորդ հարցին: