Իսպանական ակումբները Չեմպիոնների Լիգայում` 4-ից 4

Չեմպիոնների Լիգայի երկրորդ տուրի երկրորդ խաղային օրն անցավ առանց մեծ անակնկալների: A և B խմբերում ավելի հաջող հանդես եկան դաշտի տերերը, իսկ ահա C և D խմբերում` հյուրերը: 2-րդ տուրում 100 տոկոսանոց արդյունք ցույց տվեցին իսպանական ակումբները. հոկտեմբերի 2-ին հաղթել էին «Բարսելոնան» և «Վալենսիան», իսկ հոկտեմբերի 3-ին հաջողության հասան «Ռեալն» ու «Մալագան»:

C  խմբում «Մալագան» հիանալի արտագնա հաղթանակ տարավ «Անդերլեխտի» նկատմամբ 3:0 հաշվով: Այդ խաղում երկու գեղեցիկ գոլի հեղինակ դարձավ Էլիզեուն: Նույն խմբում «Միլանը» կարևոր արտագնա հաղթանակ տարավ «Զենիթի» նկատմամբ 3:2 հաշվով:

D խմբում Գերմանիայի չեմպիոնը՝ Դորտմունդի «Բորուսիան», վերջին րոպեին հաղթանակը կորցրեց Անգլիայի չեմպիոն «Մանչեսթեր Սիթիի» հետ խաղում: Նշանակված 11-մետրանոցը հստակ իրացրեց Մարիո Բալոտելին:

Նույն խմբում «Ռեալը» մրցակցի հարկի տակ ջախջախեց «Այաքսին» Կրիշտիանու Ռոնալդուի հեթ-տրիկի և Կարիմ Բենզեմայի շրջադարձ գեղեցիկ հարվածի շնորհիվ:

A խումբ

Դինամո Կիև, Ուկրաինա – Դինամո Զագրեբ, Խորվաթիա 2:0

Պորտու, Պորտուգալիա – ՊՍԺ, Ֆրանսիա 1:0

Պորտու – 6 միավոր, ՊՍԺ – 3, Դինամո Կիև – 3, Դինամո Զագրեբ – 0

B խումբ

Շալկե 04, Գերմանիա  – Մոնպելյե, Ֆրանսիա 2:2

Արսենալ, Անգլիա – Օլիմպիակոս, Հունաստան 3:1

Արսենալ – 6 միավոր, Շալկե 04 – 4, Մոնպելյե – 1, Օլիմպիակոս – 0

C խումբ

Զենիթ, Ռուսաստան – Միլան, Իտալիա 2:3

Անդերլեխտ, Բելգիա – Մալագա, Իսպանիա 0:3

Մալագա – 6 միավոր, Միլան – 4, Անդերլեխտ – 1, Զենիթ – 0

D խումբ

Այաքս, Հոլանդիա – Ռեալ, Իսպանիա 1:4

Մանչեսթեր Սիթի, Անգլիա – Բորուսիա Դորտմունդ, Գերմանիա 1:1

Ռեալ – 6 միավոր, Բորուսիա – 4, Մանչեսթեր Սիթի – 1, Այաքս – 0