Epress.am Լուրեր Հայաստանից
«Բարգավաճ Հայաստան» կուսակցության առաջնորդ Գագիկ Ծառուկյանը, ով չէր մասնակցել իր կուսակցության երկրորդ համարին՝ Վարդան Օսկանյանին, անձեռնմխելիությունից զրկելու ԱԺ-ի քննարկումներին և «հանձնման» արարողությանը, շաբաթ օրն իսկապես վերադարձել է Բելառուսից ու Սերժ Սարգսյանի ընկերակցությամբ մասնակցել ԱԺ պատգամավոր, գեներալ Սեյրան Սարոյանի որդու հարսանիքին, գրում է «Հրապարակ» օրաթերթը:
«Ծառուկյանը նստել է «նախագահ ջանի» հետ նույն սեղանների շուրջ: Ի դեպ, բացի պաշտպանության նախարար Սեյրան Օհանյանից, մնացյալ «սիլավիկները» չեն մասնակցել հարսանիքին, այդ թվում և Վովա Գասպարյանը: Հարսանիքին չի մասնակցել նաև վարչապետ Տիգրան Սարգսյանը: Բնականաբար, եղել են Հովիկ Աբրահամյանը, ՀՀ գլխավոր դատախազ Աղվան Հովսեփյանը: Բոլորն իրենց կանանց հետ, այդ թվում և Ծառուկյանը», – եզրափակում է թերթը: