ԱԱԾ-ն մաքսանենգ եղանակով դեղամիջոցների ներկրման դեպք է բացահայտել

Հոկտեմբերի 22-ին ՀՀ Ազգային անվտանգության մարմինները բացահայտել են Վրաստանից Հայաստանի Հանրապետություն  դեղամիջոցների խոշոր  խմբաքանակի մաքսանենգ ներկրման դեպք:

Ինչպես հաղորդում է ՀՀ ԱԱԾ մամուլի ծառայությունը, ՀՀ քաղաքացի Մանվել Խաչատրյանին պատկանող ավտոմեքենայի հատուկ հարմարեցված  թաքստոցներից հայտնաբերվել է 32 անուն  դեղամիջոց, որի ընդհանուր արժեքը կազմում է մոտ 10 մլն դրամ: Տվյալ դեղամիջոցները Հայաստանում ունեն լայն  պահանջարկ, սակայն համապատասխան պետական մարմինների  կողմից արտոնագրված չեն:

ԱԱԾ-ն նշվում է, որ Խաչատրյանը նշված  դեղամիջոցները ՀՀ է ներկրել  իր հանցակից գործընկերոջ պատվերով: Վերջինիս պատկանող երկու դեղատներում ևս հայտնաբերվել են նման չարտոնագրված դեղամիջոցներ:

Փաստի առթիվ հարուցված քրեական գործի նախաքննությունը կատարում է ԱԱԾ քննչական վարչությունը: