Մեղրիի ՀԷԿ-ի կառուցումը կարևոր է հայ-իրանական հարաբերությունների համար. նախագահներ

ՀՀ նախագահ Սերժ Սարգսյանը երեկ երեկոյան հեռախոսազրույց է ունեցել Իրանի Իսլամական Հանրապետության նախագահ Մահմուդ Ահմադինեժադի հետ:

ՀՀ նախագահի մամուլի ծառայության հաղորդմամբ, Հայաստանի և Իրանի նախագահները քննարկել են հայ-իրանական միջկառավարական համատեղ հանձնաժողովի այս տարվա հոկտեմբերին Երևանում կայացած նիստի արդյունքները:

Նրանք նաև ողջունել են օրերս կայանալիք Մեղրիի ՀԷԿ-ի հիմնարկեքը՝ կարևորելով դրա դերը հայ-իրանական հարաբերությունների զարգացման գործում: