Epress.am Լուրեր Հայաստանից
Նոյեմբերի 26-ին Միացյալ Թագավորությունից Երևան են ժամանելու գործարարներ՝ ծանոթանալու Հայաստանում գործարար համագործակցության պայմաններին և հնարավորություններին: Այս մասին հաղորդում է Հայաստանում Մեծ Բրիտանիայի դեսպանատան մամուլի ծառայությունը:
Այցի կազմակերպիչներն են Բրիտանական դեսպանատունը և «Բրիթիշ Էքսփրթայզ» կազմակերպությունը՝ Միացյալ Թագավորության արտաքին գործերի նախարարության աջակցությամբ:
«Բրիտանական դեսպանատունը իր առաջնայնությունն է համարում հայ-բրիտանական բիզնես կապերի ամրապնդումը և երկկողմանի ներդրումների խրախուսումը, ուստի մենք ողջունում և աջակցում ենք նման ցանկացած նախաձեռնության», – ասել է Հայաստանում Միացյալ Թագավորության դեսպան Քեթի Լիչը:
Հայաստանում պատվիրակությանը կընդունի ՀՀ Էկոնոմիկայի նախարար Տիգրան Դավթյանը: Գործարարները հանդիպում կունենան համապատասխան բիզնես ոլորտների ներկայացուցիչների հետ ու կքննարկեն հնարավոր համագործակցության հարցեր: