«Որովհետև գայլը ընդե ա». Լրագրողից խլում են ձայնագրիչը, հորդորում են «հելնել ստուց» (ՏԵՍԱՆՅՈՒԹ)

Այսօր Նոր Նորքի 2-րդ զանգվածում տեղակայված ընտրատեղամասերից մեկի մոտ անհայտ անձինք խոչընդոտել են «Ազատություն» ռադիոկայանի լրագրող Իրինա Հովհաննիսյանի աշխատանքը:

«Ազատություն» ռադիոկայանի ներկայացրած տեսանյութում երևում է, թե ինչպես մի երիտասարդ հորդորում է Հովհաննիսյանին չնկարել և հեռանալ տարածքից, որովհետև «գայլը ընդե ա»: Նա նշում է, որ ինքը «հայաթի տղայա»:

Ապա լրագրողը նկատում է մի կնոջ ցուցակներով, հարցնում է, թե ինչ ցուցակներ են դրանք, սակայն կինը հարվածում է լրագրողի տեսախցիկին և խլում է ձայնագրիչը:

Հիշեցնենք, որ այսօր թիվ 1 ընտրատարածքում, որն ընդգրկում է Ավան համանքը և Նոր Նորք համայնքի փոքր մասը, անցկացվում են լրացուցիչ խորհրդարանական ընտրություններ:  Թիվ 1 ընտրատարածքում առաջադրված են «Ժառանգության» անդամ Ստյոպա Սաֆարյանը, ՀՀԿ-ական Ռոբերտ Սարգսյանը և ՀԺԿ անդամ Էդուարդ Պետրոսյանը: