Լևոն Արոնյանն անհաջող է մեկնարկել լոնդոնյան մրցաշարում

Դեկտեմբերի 1-ին Մեծ Բրիտանիայի մայրաքաղաք Լոնդոնում մեկնարկած London Chess Classic շախմատային մրցաշարում առայժմ չափազանց անհաջող է հանդես գալիս հայաստանցի գրոսմայստեր Լևոն Արոնյանը: Շաբաթ օրը կայացած առաջին տուրում Արոնյանը սպիտակներով պարտվել է ԱՄՆ-ի ներկայացուցիչ Հիկառու Նակամուրային, իսկ երեկ՝ երկրորդ տուրում, սևերով իր պարտիան տանուլ է տվել նորվեգացի Մագնուս Կառլսենին:

Երկու տուրերից հետո առաջատարներն են Մագնուս Կառլսենը և Վլադիմիր Կրամնիկը, ովքեր 2-ական միավոր են վաստակել:

Դեկտեմբեր 1, 1-ին տուր

Լյուք Մաքշեյն (Անգլիա) – Մագնուս Կառլսեն (Նորվեգիա) 0:1

Լևոն Արոնյան (Հայաստան) – Հիկառու Նակամուրա (ԱՄՆ) 0:1

Վլադիմիր Կրամնիկ (Ռուսաստան) – Յուդիթ Պոլգար (Հունգարիա)

Գավեյն Ջոնս (Անգլիա) – Մայքլ Ադամս (Անգլիա) 0:1

Դեկտեմբեր 2, 2-րդ տուր

Յուդիթ Պոլգար (Հունգարիա) – Գավեյն Ջոնս (Անգլիա) ½:½

Հիկառու Նակամուրա (ԱՄՆ) – Վլադիմիր Կրամնիկ (Ռուսաստան) 0:1

Մագնուս Կառլսեն (Նորվեգիա) – Լևոն Արոնյան (Հայաստան) 1:0

Վիշի Անանդ (Հնդկաստան) – Լյուք Մաքշեյն (Անգլիա) ½:½

Մրցաշարային աղյուսակ

1-2. Կրամնիկ, Կառլսեն – 6 միավոր

3-4. Ադամս, Նակամուրա – 3 միավոր

5-8. Մաքշեյն, Անանդ, Ջոնս, Պոլգար – 1 միավոր

9. Արոնյան – 0

Հ.Գ. Մրցաշարում հաղթանակի համար տրվում է 3 միավոր, ոչ-ոքիի համար՝ 1: