Home / Հայաստան / Բագրատյան. ՀԱԿ-ը հիանալի գործ արեց, բայց ընտրություններին չմասնակցելն անընդունելի է

Բագրատյան. ՀԱԿ-ը հիանալի գործ արեց, բայց ընտրություններին չմասնակցելն անընդունելի է

Քարոզարշավի առաջին օրը ՀՀ նախագահի թեկնածու Հրանտ Բագրատյանը Վերին Արտաշատ գյուղում իր տնտեսական ծրագիրը ներկայացնելուց հետո գյուղացիների խնդրանքով անդրադարձել է ՀԱԿ-ի հետ իր համագործակցության մասին հարցին:

Թեկնածուն ասել է, որ ինքը դուրս չի եկել ՀԱԿ-ից,  ուղղակի ՀԱԿ-ում կան մարդիկ, ովքեր դեմ են ընտրություններին մասնակցելու, իսկ դա իր համար անընդունելի է:

«Ի՞նչ ասեմ: Կյանքը շարունակվում է: ՀԱԿ-ը հիանալի գործ արեց: ՀԱԿ-ի մի տարատեսակ էլ մենք ենք: Ինձ երբեք չեք տեսնի` որևէ ընտրության չգամ, եթե իմանամ նույնիսկ, որ 100% իշխանությունն անցած է: Հաղթելու ենք, կասկած չունեմ: Առաջներդ ընկնելու եմ` գնամ, որ ձեր վրա չկրակեն: Եթե կասեն` Բագրատյանը առաջինը չի,  չգնաք էդ միտինգի»,- ասել է նա:

Նա  խոստացել է, որ սա առաջին հանդիպումն է, որի ազդեցությունը ձնագնդիկի պես մեծանալու է: