Home / Հայաստան / Հայրիկյանին խորհուրդ են տվել չհետաձգել ընտրությունները, միևնույն է՝ ելքը չի փոխվի

Հայրիկյանին խորհուրդ են տվել չհետաձգել ընտրությունները, միևնույն է՝ ելքը չի փոխվի

Պարույր Հայրիկյանի վրա կրակած մարդը «ապաշնորհ մեկի կողմից ուղարկված ապաշնորհ դերասան էր», որը նույնիսկ չի կարողացել մարդավարի կրակել կարճ տարածությունից: Այսօր լրագրողների հետ հանդիպմանը նման կարծիք է հայտնել դերասան, «Ագուլիս» տիկնիկային թատրոն-ստուդիայի հիմնադիր և ղեկավար Երվանդ Մանարյան: Դերասանը նշել է, որ կատարվածի մեջ որևէ իմաստ չի տեսնում:

Գրականության ինստիտուտի փոխտնօրեն Վարդան Դևրիկյանն էլ կարծիք է հայտնել, որ Հայրիկյանի դեմ մահափորձն իրականում ուղղված էր ՀՀ իշխանությունների դեմ, իսկ Հայրիկյանի անձի ընտրությունը, նրա խոսքով, պայմանավորված էր նրանով, որ վերջինս մեծ հեղինակություն ունի աշխարհում և նրա վրա հարձակումը ամենամեծ արձագանքը կարող էր առաջացնել:

Դևրիկյանը Հայրիկյանին խորհուրդ է տվել չհետաձգել ընտրությունները, քանի որ այդ դեպքում հարձակումն իր նպատակին հասած կարելի է համարել: Դևրիկյանի խոսքով՝ հետաձգվելու դեպքում ընտրությունների ելքը, միևնույնն է, չի փոխվելու, և դա միայն կգցի երկրի զարգացման տեմպը: