Երևան-Մոսկվա չվերթի ուղևորուհու ուղեբեռում փամփուշտ են գտել

Փետրվարի  5-ին, ժամը 15.55-ին, ոստիկանության «Զվարթնոց» օդանավակայանի գծային բաժնում հաղորդում է ստացվել, որ մեկնման սրահում մի քաղաքացու մոտ արգելված ուղեբեռ կա:

Պարզվել է, որ օդանավակայանի հատուկ զննման ծառայության աշխատակիցները  Երևան-Մոսկվա չվերթի մի ուղևորուհու ուղեբեռի զննության ժամանակ հայտնաբերել են  7,62 մմ տրամաչափի փամփուշտ:

Ոստիկանության լրատվական ծառայության փոխանցմամբ՝ կինը  բերման է ենթարկվել ոստիկանություն:

Հայտնաբերվածն ուղարկվել է փորձաքննության:

Կատարվում է հետաքննություն: