Epress.am Լուրեր Հայաստանից
Պետական եկամուտների կոմիտեի նախագահ Գագիկ Խաչատրյանը կարծում է, որ «Կարֆուր» ընկերությունը կմտնի հայաստանյան շուկա: Այս մասին նա հայտարարել է այսօր լրագրողների հետ հանդիպմանը:
«Ես որքան տեղյակ եմ, «Կարֆուրի» մուտքը պատկան մարմիններում քննարկվում և կարծում եմ, որ նա կմտնի Հայաստանի շուկա», – Խաչատրյանի խոսքերն է փոխանցում «Ազատություն» ռադիոկայանը:
Վերջին շրջանում լրատվամիջոցներում չեն դադարում հրապարակումներն այն մասին, թե հայաստանյան որոշ օլիգարխներ փորձում են խոչընդոտել ֆրանսիական ընկերության մուտքը Հայաստան։
«Կարֆուրից» չեն մեկնաբանում այս տեղեկությունը` ըստ էության ոչ հաստատելով, ոչ էլ հերքելով այն:
Փետրվարի սկզբին «Կարֆուրի» հարցի հետ կապված հայտարարությամբ հանդես եկավ վարչապետ Տիգրան Սարգսյանը` նշելով, թե Հայաստանի իշխանությունները խիստ շահագրգռված են, որ ֆրանսիական ընկերությունը ներկայացված լինի Հայաստանում:
«Թվիթեր» սոցիալական ցանցի իր էջում խնդրին անդրադարձել էր նաեւ Հայաստանում ԱՄՆ Ջոն Հեֆերնը` հույս հայտնելով, թե «Կարֆուր»-ի բացումը իրականություն կդառնա և դրական կանդրադառնա հայաստանյան շուկայում մրցակցության վրա: