Epress.am Լուրեր Հայաստանից
Այսօր երեկոյան Ծիծեռնակաբերդից Ազատության հրապարակ վերադարձած «Ժառանգություն» կուսակցության առաջնորդ, ՀՀ նախագահական ընտրությունների պաշտոնական արդյունքները վիճարկող Րաֆֆի Հովհաննիսյանին հարցով է դիմել ակտիվիստներից մեկը, ով Ռուսատսանից Հայաստան է եկել Հովհաննիսյանի շարժմանը մասնակցելու համար:
Որպես Գևորգ ներկայացած երիտասարդն ասել է, որ քանի դեռ Հովհաննիսյանը Ծիծեռնակաբերդում էր, իրենք 2,5 ժամ մնացել էին առանց առաջնորդի և չգիտեին՝ ինչ անել:
Երիտասարդի խոսքով՝ ՀՀ կառավարությունը համակարգ է, որի դեմ պետք է պայքարել համակարգի մեթոդով, քանի որ առանց Րաֆֆի Հովհաննիսյանի մնացած ամբողխն ինքնակառավարվել չէր կարող, տիրում էր «խառը վիճակ»:
«Իմ ուզածը ինչ ա՞, ուզում եմ իմանալ հետագա քայլերը», – ասել է Գևորգը:
Րաֆֆի Հովհաննիսյանը, իր հերթին, ասել է, որ երիտասարդները պետք է գիտակցեն, թե իրենց սերունդը ինչի է պատրաստ:
Ակտիվիստներից մեկն էլ Հովհաննիսյանին ասել է՝ «Դուք մեզ կոնկրետ քայլեր ասեք, մենք անող ենք»:
«Շատ լավ», – պատասխանել է Հովհաննիսյանը: