Վարդան Սեդրակյանի պաշտպանի բողոքը վերադարձվել է

ՀՀ նախագահի նախկին թեկնածու Վարդան Սեդրակյանի պաշտպան Ալեքսանդր Սիրունյանի վճռաբեկ բողոքը, «Փաստինֆո» գործակալության տեղեկությունների համաձայն, ապրիլի 16-ին վերադարձվել է:

Սեդրակյանի պաշտպանը բողոքարկում էր իր պաշտպանյալի նկատմամբ կալանքը որպես խափանման միջոց ընտրելու առաջին ատյանի դատարանի և այն անփոփոխ թողնելու Վերաքննիչ քրեական դատարանի որոշումները:

Վ.Սեդրակյանը մեղադրվում է ՀՀ նախագահի նախկին թեկնածու, ԱԻՄ նախագահ Պարույր Հայրիկյանի սպանության փորձը կազմակերպելու մեջ, գործով նախաքննությունն ավարտվել է և շուտով կուղարկվի դատարան: