Երևանում Շվեդիայի դեսպանություն կբացվի

Շվեդիայի կառավարությունը որոշել է Հայաստանում Շվեդիայի դեսպանություն հիմնել:

Այս մասին այսօր «Թվիթեր»-ի իր միկրոբլոգում հաղորդագրություն է թողել Շվեդիայի արտգործնախարար Կարլ Բիլդտը:

Նա գրել է, որ միևնույն ժամանակ Շվեդիայի դեսպանատներ են բացվելու նաև Ադրբեջանի մայրաքաղաք Բաքվում և Քաթարի մայրաքաղաք Դոհայում:

«Փոքր բան է, բայց կարևոր», – երեք դեսապնությունները հիմնելու մասին գրել է Բիլդտը: