Ագրարայինի դասախոսին ձերբակալել են կաշառք ստանալու պահին. ԱԱԾ

Սեպտեմբեր 3-ին ՀՀ Ազգային անվտանգության աշխատակիցները կաշառք ստանալու պահին ձերբակալել են Հայաստանի ազգային ագրարային  համալսարանի կենդանիների բուծման և կերակրման ամբիոնի դասախոս, գյուղատնտեսական գիտությունների թեկնածու Արամ Մուրադյանին, հաղորդում է ՀՀ ԱԱԾ մամուլի կենտրոնը:

Մուրադյանն Ագրարային համալսարանի հեռակա ուսուցման դեպարտամենտի ընդունող հանձնաժողովի պատասխանատու քարտուղարն է: Համաձայն պաշտոնական հաղորդագրության, դասախոսը քաղաքացի Խ.-ի  ընդունելության քննությունների հարցը դրական լուծելու դիմաց`  վերջինիցս պահանջել և ստացել է 2.200 ԱՄՆ դոլար կաշառք:

ՀՀ ԱԱԾ քննչական վարչությունում հարուցվել է քրեական գործ, կատարվում է նախաքննություն: