Home / Հայաստան / Գագիկ Բեգլարյանի կայսրության դե՞մ․ «Կենտրոն մաքրություն» ընկերության գործով ևս մեկ մեղադրյալ են ներգրավել

Գագիկ Բեգլարյանի կայսրության դե՞մ․ «Կենտրոն մաքրություն» ընկերության գործով ևս մեկ մեղադրյալ են ներգրավել

Ոստիկանության Երևանի քննչական վարչության ծանր հանցագործությունների բաժինը շարունակում է քննել «Կենտրոն մաքրություն» ՓԲԸ-ի գործը, որով քննվում է պետությանը խոշոր չափի վնաս հասցնելու փաստը։ «Հրապարակ» օրաթերթը տեղեկացնում է, որ 3 օր առաջ նոր մեղադրյալ է ներգրավվել՝ ընկերության գլխավոր հաշվապահ Գագիկ Հարությունյանը, որին մեղադրում են առանձնապես խոշոր չափերի խարդախության համար (Քրօր. 178-րդ հոդվածի 3-րդ մասի 1-ին կետի հատկանիշներով)։ Գլխավոր հաշվապահից քաղաքից չբացակայելու ստորագրություն են վերցրել։

Առայժմ գործով միակ կալանավորվածը «Կենտրոն մաքրության» տնօրեն Սամվել Հովհաննիսյանն է։ Եվս 5 աշխատակցի խարդախության հոդվածով մեղադրանքներ են առաջադրել։

«Ընկերությունը պատասխանատու էր Կենտրոն վարչական շրջանի սանիտարահիգիենիկ վիճակի համար, սակայն աշխատելու փոխարեն այստեղ պետական գումարների հափշտակությամբ, փողերի լվացմամբ են գբաղվել»,–գրում է թերթը՝ դրա ստեղծումը կապելով Կենտրոնի նախկին թաղապետ, Երևանի նախկին քաղաքապետ, ՀՀ տրանսպորտի և կապի նախարար Գագիկ Բեգլարյանի անվան հետ։ «Հրապարակ»-ը հավելում է, որ տեղեկություններ կան, թե այս քրեական գործը քայլ է հենց Գագիկ Բեգլարյանի ստվերային կայսրության դեմ։

Հոդվածն ամբողջությամբ՝ թերթի այսօրվա համարում