ԱԺ նախագահի չինովնիկ որդին խոստովանել է, որ երթուղայինի «գծում» շահաբաժին ունի

ՀՀ ԱԺ նախագահ Գալուստ Սահակյանի որդին՝ կառավարությանն առընթեր պետական գույքի կառավարման վարչության պետ Արման Սահակյանը, «Հայկական ժամանակ» օրաթերթի թղթակցի հետ զրույցում խոստովանել է, որ 57 համարի երթուղու «գծում» շահաբաժին ունի: 57 համարի «գիծը» սպասարկում է «Արդինի ստուդիա» ՍՊԸ-ն։

«Այո, ես այդտեղ («Արդինի ստուդիա» ՍՊԸ) շահաբաժին ունեմ: Ստուդիան ունի կրթամշակութային դեր, բայց նաև կատարում է ուղեվորափոխադրումներ, ու դրանից շահույթի մեծ մասը ուղղված է մշակութային ոլորտին»,- թերթի փոխանցմամբ ասել է նա:

Թղթակցի հարցին, թե քանի՞ տոկոս շահաբաժին ունի, Արման Սահակյանը չի պատասխանել։

Մանրամասները՝ թերթի այսօրվա համարում