Ղարաբաղում հովիվ է սպանվել․ ԼՂՀ ՊՆ

Փետրվարի 11-ին՝ ժամը 16:00-ի սահմաններում, սպանվել է չճանաչված Լեռնային Ղարաբաղի Հանրապետության Մարտունու շրջանի Վազգենաշեն գյուղի բնակիչ, 54-ամյա հովիվ Հակոբ Համբարձումյանը: Այս մասին հայտնում է ԼՂՀ Պաշտպանության նախարարությունը։

Գերատեսչությունը նշում է, որ Համբարձումյանը մահացու հրազենային վնասվածք է ստացել հակառակորդի կողմից «ԻՍՏԻԳԼԱԼ» տեսակի դիպուկահար հրացանից արձակված կրակոցից։

ԼՂՀ ՊՆ֊ն չի հայտնում թե կոնկրետ որտեղ և ինչ պայմաններում է սպանությունը տեղի ունեցել։