Home / Հայաստան / Երիտասարդին ծեծի ենթարկած Գորիսի ոստիկանապետի լիազորությունները ժամանակավորապես դադարեցվել են

Երիտասարդին ծեծի ենթարկած Գորիսի ոստիկանապետի լիազորությունները ժամանակավորապես դադարեցվել են

ՀՀ ոստիկանության Սյունիքի մարզային վարչության Գորիսի բաժնի պետ Գևորգ Ազիզյանի լիազորությունները ժամանակավորապես դադարեցվել են՝ մինչև ոստիկանությունում ընթացող ծառայողական քննության ավարտը։ Այս մասին «Ֆեյսբուք» սոցիալական ցանցի իր էջում գրել է ՀՀ ոստիկանության տեղեկատվության և հասարակայնության հետ կապերի բաժնի ղեկավար Աշոտ Ահարոնյանը։ Երկու օր առաջ armlur.am կայքը տեսանյութ էր տարածել, որում երևում է, թե ինչպես է Ազիզյանը վիճաբանության ժամանակ ոտքերով հարվածում մի երիտասարդի։

Գորիսի բաժնի պետի ժամանակավոր պաշտոնակատար է լինելու ՀՀ ոստիկանության Սյունիքի մարզային վարչության պետ Վախթանգ Ավագյանը: