Home / Բանտ / «Նուբարաշենում» երկու դատապարտյալ դանակահարել են իրար․ «Ժողովուրդ»

«Նուբարաշենում» երկու դատապարտյալ դանակահարել են իրար․ «Ժողովուրդ»

Երեկ երեկոյան «Նուբարաշեն» ՔԿՀ-ում երկու դատապարտյալ դանակահարել են իրար, նրանց վիճակը ծանր է: Այս մասին գրում է «Ժողովուրդ» օրաթերթը՝ նշելով, որ դեռևս հայտնի չէ դանակահարության պատճառը։

Թերթի փոխանցմամբ՝ դեռևս երեկ վաղ առավոտվանից «Նուբարաշեն»-ում տեսակցությունները սահմանափակ են եղել: Դատապարտյալներից շատերին, այդ թվում՝ միջադեպի մասնակիցներին, ընդհանրապես արգելել են որևէ մեկի հետ խոսել:

«Ըստ երևույթին՝ ՔԿՀ-ում լարված մթնոլորտը վաղ առավոտից է տիրել, և օրն ավարտվել է դանակահարությամբ»,-գրում է թերթը:

Արդարադատության նախարարության քրեակատարողական վարչության լրատվական ծառայությունից հաստատել են լուրը, սակայն որևէ տեղեկատվություն չեն տրամադրել։

Մանրամասները՝ թերթի այսօրվա համարում