«Մեզ մենակ չթողնեք»․ որն է ժամանակավոր կառավարության առաքելությունը

Վստահ եմ վաղը՝ մայիսի 1-ին, Ազգային ժողովը Նիկոլ Փաշինյանին կընտրի ՀՀ վարչապետ։ Այս մասին ապրիլի 30-ին Հանրապետության հրապարակում կայացած հանրահավաքին ասել է ԱԺ «Ելք» խմբակցության պատգամավոր Արարատ Միրզոյանը։

«Դրանից հետո պետք է կազմվի ժամանակավոր կառավարություն․ այստեղ էականը «ժամանակավոր» բառն է։ Ինչ ունենք ակնկալելու և պահանջելու այս ժամանակավոր կառավարությունից։

Այս կառավարությունը ունի 4 հիմնական ֆունկցիա․

1-ին՝ ապահովել հնարավորինս լայն քաղաքական համերաշխություն

2-րդ՝ ապահովել երկրի բնականոն գործունեությունը, տալ օպերատիվ լուծումներ ամենաէական, առաջնային հարցերին։ Տալ ամենակեսնական, ամենաառաջնային տնտեսական լուծումներ, որոնք ուղերձ պետք է լինեն, թե ինչ պետք է անենք մենք հետո, երբ լինենք հիմնական կառավարություն։

Ակնկալել տնտեսական հրաշքներ ժամանակավոր կառավարությոնից ձեր թույլտվությամբ չենք կարող։

3-րդ՝ ստեղծել մեխանիզմներ ընտրական համակարգի բարեփոխման համար։ Պետք է փոխվի ընտրական օրենսգիրքը, օրենսդրությունից դուրս զուտ ֆունկցիոնալ, գործառնական համակարգի բարեփոխում է պետք իրականացնել։ Նաև սրան զուգահեռ, բացի ընտրական օրենսգրքից, պետք է բարեխոփվեն մի շարք օրենքներ, որոնց էական ազդեցություն են ունենալու ընտրական պրոցեսի վրա։

4-րդը՝ ամենահիմնականը․ ժամանակավոր կառավարության առաքելությունն է արտահերթ խորհրդարանական ընտրությունների կազմակերպում։

Խնդրում եմ և պահանջում ձեզանից՝ էս պրոցեսում մեզ մենակ չթողնեք։ Էս պրոցեսում կլինեք մեր կողքին, մենք դրա կարքիը ունենք։ Եղեք ավելի ուշադիր, ավելի անկեղծ, ավելի կազմակերպված… փորձելու են խլել մեր հաղթանակը», ֊ ասել է Արարատ Միրզոյանը։