Epress.am Լուրեր Հայաստանից
Վճռաբեկ դատարանն այսօր որոշել է պայմանականորեն չկիրառել Սիսիանի բնակիչ Հասմիկ Սարգսյանի նկատմամբ պատիժը և նշանակել 2 տարի փորձաշրջան։ Դատարանը բավարարել է նաև Սարգսյանի պաշտպան Լուսինե Ասլանյանի՝ պատժի մասով բողոքը։
«Վերաքննիչ դատարանը փոխարեն նշանակեր 3 տարի 6 ամիս, նշանակել էր 5 տարի պատիժ։ Դատարանն այս մասով բեկանեց, դարձրեց 3 տարի 6 ամիս և ի վերջո կիրառեց Քրեական օրենսգրքի 70-րդ հոդվածը, այսինքն՝ պայմանականորեն պատիժը չի կիրառվում և 2 տարի փորձաշրջան է տրվում», -դատական նիստի ավարտից հետո ասել է Ասլանյանը։
Նա նշել է, որ հույս ուներ, որ դատարանը նման որոշում կկայացնի․ «Հասարակական աղմուկը, որ բարձրացավ և [գործը] հնչեղություն ստացավ, ամեն դեպքում իմ հույսերն ավելի մեծացան, որ դրական որոշում կկայացվի»։
Միայնակ մայր Հասմիկ Սարգսյանը երեխաներին պահելու համար ծայրահեղ անհրաժեշտությունից դրդրված է մի քանի անգամ ուտելիք և գումար էր գողացել։ Վերաքննիչ դատարանը նրան դատապարտել էր 5 տարվա ազատազրկման։
Հասմիկ Սարգսյանի գործի մանրամասն կարդացեք․
Հասմիկ Սարգսյանին կալանավորելն ամենահեշտ ու անարդար ճանապարհն է
Որտե՞ղ խոսի Հասմիկ Սարգսյանը, որ լսելի լինի
Բազմազավակ կինը կարող է դառնալ քաղբանտարկյալ նոր Հայաստանում