Հաղորդում հանցագործության մասին՝ BLS Իսպանիայի վիզա կենտրոնի գործունեության վերաբերյալ

Ազգային անվտանգության ծառայության տնօրեն գեներալ-մայոր Արթուր Վանեցյանին
Պատճենը (որպես ի գիտություն)` Արտաքին գործերի նախարար Զոհրաբ Մնացականյանին

Հաղորդում հանցագործության մասին
16 Հուլիս, 2019

Հայաստանում Իսպանիայի Թագավորության վիզայի դիմումների ծառայությունը մատուցում է BLS Իսպանիայի վիզաների կենտրոնը, որն պետական ռեգիստրում գրանցված է որպես «Ֆըրսթ Օութսորսինգ Քոմփանի» ՍՊԸ-ն (գործունեության հասցեն 14/1 Վարդանանց փողոց, 0002, Երեւան): Ընկերության հիմնադիրներն են Եվա Կարենի Իսրայելյանը եւ Լուսինե Վիտալիի Մնացականյանը (մասնակցությունը դադարեցված է):

Վերընշված ընկերությունն իր ծառայությունները մատուցելիս դիմումատուներից առանց նրանց իմացության եւ համաձայնությամբ լրացուցիչ գումար է գանձում չմատուցվող ծառայությունների համար: Գտնում եմ, որ ընկերության գործունեությունը այդ մասով ապօրինի է եւ պարունակում է Հայաստանի Հանրապետության Քրեական Օրենսգրքի 21 եւ/կամ 22 գլուխներով սահմանված հանցակազմ, որը ներկայացնում եմ ստորեւ:

1. Հուլիսի 27, 2019-ին դիմել եմ BLS ընկերություն՝ Իսպանիայի Թագավորության տուրիստական վիզայի համար (Reference number EVN12706190021):

2. Դիմումը եւ կից փաստաթղթերը հանձնելուց հետո ինձնից կանխիք գանձել են 35500 դրամ (ՀԴՄ կտրոնի պատճենը կից):

3. Ինվոյս կտրոնի համաձայն, ինձնից գանձված ընդհանուր գումարը կազմել է 6826.00 ռուբլուն համարժեք ՀՀ դրամ եւ ներառել է վիզայի վճարը՝ 2654.00 ռուբլի, BSL ընկերության ծառայության վճար՝ RUB 1172.00, ինչպես նաեւ SMS ծառայության վճար 1000 դրամ (սակայն ինվոսյում նշված է ռուբլով) եւ անձնագրի առաքում մարզում (courier-in province) ծառայության վճար 2000 դրամ (կրկին ինվոյսում նշված ծառայությունների վճարի փոխարժեքը ներկայացված է ռուբլով):

4. BLS ընկերության կայքի համաձայն (https://armenia.blsspainvisa.com/index.php, Visa Type -> Short-term visa -> Visa fees) Հայաստանի Հանրապետության քաղաքացիները մինչեւ 90 օրյա շենգեն վիզայի համար պարտադիր պետք է վճարեն 2654.00 ռուբլի վիզայի համար եւ 1172.00 ռուբլի BLS ընկերության ծառայության համար, որն ընդհանուր կազմում է 3826.00 ռուբլի:

5. Մնացած ծառայությունների (այդ թվում SMS ծառայության եւ անձնագրի առաքում ցանկացած հասցեով (courier-in province)) ծառայության համար վճարումը կամավոր է եւ դիմողը լրացուցիչ ծառայությունը ընտրում է վիզաների կենտրոնում պայմանավորվածության հայտը լրացնելուց:

6. Պայմանավորվածության հայտը լրացնելուց ես որեւէ լրացուցուցիչ ծառառյություն չեմ ընտրել (տե՛ս հայտի համապատասխան բաժնի սկրինշոթը կից):

7. Հետեւաբար, ես պետք է վճարեի 3826.00 ռուբլուն համարժեք դրամ, առանց որեւէ լրացուցիչ ծառայության վճարի:

8. BSL կայքի Վիզաների վճարներ բաժնի համաձայն (տե՛ս սկտինշոթը կից). «Նշված սակագները համապատասխանում են տվյալ օրվա ՌԴ ռուբլու փոխարժեքին ՀՀ
դրամով:»

9. 27.06.2019-ին ժամը 11:30-ի դրությամբ 3826.00 ռուբլին համարժեք է եղել 29842.8 դրամի (կլորացված 30000 դրամ, www.rate.am կայքի համաձայն ռուբլու վաճառքի
ամենաբարձ գինը եղել է 7.80 դրամ Մելաթ բանկում):

10. BSL-ի կայքում նշված չէ, թե որ կազմակերպության սահմանած դրամ-ռուբլի փոխարժեքների հարաբերությունն է կազմակերպությունը հիմք ընդունում ռուբլուն
համարժեք դրամը հաշվելիս, սակայն հստակ է, որ այն պետք է փոփոխվի կախված փոխժեքից:

11. 01.07.2019-ին BSL կենտոնի հաճախորդների սպասարկման կենտրոնից փորձել եմ ճշտել (1) թե ինչու են ինձնից գումար գանձել չպատվիրած ծառայությունների համար
եւ (2) այն կազմակերպության անվանումը, որի սամանած փոխարժեքն է հիմք ընդունվում ռուբլուն համարժեք դրամը հաշվելիս:

12. 11(1) հարցի մասով աշխատակիցն ասել է, որ շենգեն վիզայի վճարը ֆիքսված է եւ ավտոմատ ներառում է այդ երկու լրացուցիչ ծառայությունների համար
նախատեսված 3000 դրամը եւ դա գանձում են բոլոր դիմումատուներից իրենց հարմարավետության համար:

13. 11(2) հարցի մասով աշխատակիցն ասել է, որ այդպես են իրենց ասում Մոսկվայից, բայց չի կարող նշել, թե որ կազմակերպության փոխարժեքն է հիմք ընդունվում:

14. Այն, որ BSL Իսպանիայի վիզաների համար դիմող քաղաքացիներից ավտոմատ գանձվում է SMS ծառայության եւ անձնագրի առաքում ցանկացած հասցեով (courier-in
province)) ծառայությունների համար նշված չէ կայքի որեւէ բաժնում եւ քաղաքացիներին չեն տեղեկացնում:

15. Այսպիսով, ինձնից 30000 դրամի փոխարեն գանձել են 35500 դրամ

16. Եթե նույնիս վիզայի ծառայության վճարը ֆիքսված թիվ է, միեւնույնն է, 3000 դրամի գանձումն ապօրինի է:

17. Դիմումատուներից ավել գումար գանձելը կրում է զանգվածային բնույթ եւ գանձվում է բոլոր դիմումատուներից:

18. Գտնում եմ, որ առանձ դիմումատուների իմացության եւ/կամ համաձայնության նրանցից ավել գումար (3000 դրամ դրամական միջոց) վերցնելը կարող է ՀՀ ՔՕ 21
եւ/կամ 22 գլուխներով սահմանված սահմանված հանցակազմ պարունակել:

19. Օրինակ, 15.07.2019-ին Երեւան վերադարձած անձնագրերի խմբաքանակի քանակը կազմել է 300 հատ: Եթե յուրաքանչյուր դիմումատուից «Ֆըրսթ Օութսորսինգ
Քոմփանի» ՍՊԸ-ի աշխատակիցները վերցրել են 3000 դրամ, ապա դա կազմում է լրացուցիչ 900000 դրամի ապօրինի գանձում:

20. Կասկածում եմ, որ ինվոյսում SMS ծառայության եւ անձնագրի առաքում ցանկացած հասցեով (courier-in province) ծառայությունների վճարը ռուբլիով ներկայացնելը
նույնպես կատարում են դիտավորությամբ (սակայն, նպատակը չեմ կարող նշել, որովհետեւ ինձ պարզ չէ):

Ուստի, խնդրում եմ Ձեր լիազորությունների սահմաններում ուսումնասիրել «Ֆըրսթ Օութսորսինգ Քոմփանի» ՍՊԸ-ի կողմից հաճախորդներից լրացուցիչ գանձած գումարների օրինականությունը:

Տեղեկացնում եմ, որ այս նամակի կրկնօրինակը ուղարկել եմ նաեւ Հայաստանի Հանրապետության Արտաքին Գործերի Նախարարություն. Հայասատանում Իսպանիայի
Թագավորության դեսպանությանը (Մոսկվա, Ռուսաստանի Դաշնություն) եւ Հայասատանում Իսպանիայի Թագավորության հյուպատոսարան (Երեւան)

Հարգանքով,
Վարդան Համբարձումյան