Home / Բանակ / Կորոնավիրուսի պատճառով զինվորական երդման արարողությունները կանցկացվեն առանց ծնողների

Կորոնավիրուսի պատճառով զինվորական երդման արարողությունները կանցկացվեն առանց ծնողների

Նոր կորոնավիրուսային վարակով պայմանավորված, ՀՀ զինված ուժերում, զինծառայողների առողջական վիճակի և հնարավոր բարդություններից խուսափելու համար, շարունակում են իրականացվել կանխարգելիչ և հակահամաճարակային միջոցառումներ: Այս մասին հայտնում է պաշտպանության նախարարության տեղեկատվական և հասարակայնության հետ կապերի վարչությունը։

«Նպատակ ունենալով կանխել վարակի ներթափանցումը ՀՀ զինված ուժեր՝ զինծառայողների ծնողներին տեղեկացնում ենք, որ նորակոչիկների զինվորական երդման արարողություններն իրականացվելու են միայն զորամասերի մշտական տեղակայման վայրերում, բացառվելու են բոլոր տեսակի հրավերները, տեսակցություններն ու ընդունելությունները։

ՀՀ պաշտպանության նախարարությունը խնդրում է ըմբռնումով մոտենալ ժամանակավոր սահմանափակումներին, որոնք կիրառվում են զինծառայողների առողջության պահպանման և զինված ուժերի բնականոն կենսագործունեության պատշաճ իրականացման նպատակով», – ասված է հաղորդագրության մեջ։

Tekali Taxi