Home / Առողջապահություն / Որոշ երկրներ դեռևս չեն հայտնել կորոնավիրուսի հաստատված դեպքի մասին

Որոշ երկրներ դեռևս չեն հայտնել կորոնավիրուսի հաստատված դեպքի մասին

Նոր տիպի կորոնավիրուսի առաջին դեպքերը նախորդ տարվա դեկտեմբերին գրանցվել են Չինաստանում։ Ընդհամենը մի քանի շաբաթվա մեջ վիրուսը՝ որը Քովիդ-19 անվանված հիվանդությունն է հարուցում, սկսել է արագորեն տարածվել Չինաստանից դուրս։ Առողջության համաշխարհային կազմակերպությունը կորոնավիրուսի տարածումը որպես համավարակային է որակել։ Այնուամենայնիվ, մինչ օրս կան երկրներ, որոնք Քովիդ-19-ի որևէ հաստատված դեպքի մասին դեռևս չեն հայտարարել։

Կորոնավիրուսով վարակվածների մասին հայտնել են աշխարհի ավելի քան 188 երկրներ։ Ջոն Հոփքինսի համալսարանի տվյալներով այս պահին ամբողջ աշխարհում գրանցվել է ավելի քան 21 միլիոն հաստատված դեպք։ Մոտ 14 միլիոն մարդ բուժվել է, ավելի քան 758 հազարը՝ մահացել։

Գիտնականներն ու բժշկական միավորումներն ամիսներ շարունակ հորդորում են պահպանել սոցիալական հեռավորություն, կրել դիմակներ և զերծ մնալ մարդաշատ հավաքներից։ Սահմանվել են համապատասխան կարանտինային սահմանափակումներ ու վիրուսի տարածման կանխարգելիչ միջոցառումներ։

Կորոնավիրուսով վարակման դեպքերի մասին չեն հայտարարել հետևյալ երկրները․

  • Կիրիբատի
  • Մարշալյան Կղզիներ
  • Միկրոնեզիա
  • Նաուրու
  • Հյուսիսային Կորեա
  • Պալաու
  • Սամոա
  • Սողոմոնյան կղզիներ
  • Տոնգա
  • Թուրքմենստան
  • Տուվալու
  • Վանուատու
Tekali Taxi