Պայթյուն Արշակունյաց պողոտայում․ կան զոհեր և տուժած

Ապրիլի 22-ին, ժամը 07:58-ին Ճգնաժամային կառավարման կենտրոն ահազանգ է ստացվել, որ Արշակունյաց պողոտայի 77/3 հասցեում գտնվող «Ջերմուկ գրուպ» ՓԲԸ-ի մոտակայքում տեղի է ունեցել ավտոմեքենայի պայթյուն․ կան տուժածներ։

Պարզվել է, որ «Ջերմուկ գրուպ» ՓԲԸ-ի տարածքում պայթել է «Toyota» մակնիշի ամբարձիչի գազի բալոնը։

Մինչ փրկարարների կանչի վայր հասնելը, տուժածներ Դ․ Գ․-ն և Ս․ Բ․-ն հոսպիտալացվել են «Էրեբունի» ԲԿ, որտեղ մահացել են։

Փրկարարները տուժած  Է․Ե․-ին մոտեցրել են շտապօգնության ավտոմեքենային․ վերջինս նույնպես հոսպիտալացվել է «Էրեբունի» ԲԿ։ Բժիշկները նրա առողջական վիճակը գնահատել են ծանր: