Epress.am Լուրեր Հայաստանից
Facebook սոցիալական ցանցի ռուսաստանյան բազմաթիվ օգտատերերի, այդ թվում` ՌԴ նախագահ Դմիտրի Մեդվեդևի անձնական էջերը հարձակման են ենթարկվել սիրիացի սպամերների կողմից:
Վերջիններս ռուսերեն և անգլերեն լեզուներով մեծ թվով նմանօրինակ մեկնաբանություններ են թողնում Սիրիայում ծավալված իրադարձությունների վերաբերյալ: Բացի նախագահի էջից, սպամերները հաղորդագրություններ են թողել նաև մի շարք խոշոր ռուսաստանյան ԶԼՄ-ների էջերում:
«ՌԻԱ Նովոստին» հիշեցնում է, որ նախորդ երկուշաբթի Սիրիայի նախագահ Բաշար Ասադի ենթադրյալ հակառակորդների կողմից կիբերհարձակման է ենթարկվել նաև Հնդկաստանում Ռուսաստանի դեսպանատան կայքը: Հարձակմանը, սակայն, հնարավոր էր եղել դիմադրել;