Epress.am Լուրեր Հայաստանից
Ռուսաստանի «հյուսիսային մայրաքաղաք» Սանկտ Պետերբուրգի Նևսկի պողոտայի վրա գտնվող Բելոսելսկիխ-Բելոզյորսկիխ պալատում հրդեհ է բռնկվել: Այս շենքում է գտնվում երկրի նախագահի աշխատակազմի ներկայացուցչությունը, ինչպես նաև Առաջին ալիքի շրջանային տնօրինությունը, Սոբչակի անվան Ժողովրդավարության կայացման թանգարանը, ինչպես նաև «Հյուսիս արևմտյան տարածաշրջանի օբյեկտների վերակառուցման և կառուցապատման տնօրինությունը»: Բացի դա, 2003 թվականից այստեղ պատկերասրահ և համերգասրահ է գործում, գրում է «Էխո Մոսկվին»:
Նևսկի պողոտան ամբողջությամբ ծխի մեջ է հայտնվել, տեսանելիությունը հասել է նվազագույնի, հայտնել են ականատեսները: Ծխի տարածման պատճառով պողոտայի երթևեկությունը սահմանափակվել է:
Նախնական տվայլներով հրդեհը սկսվել է կեսօրին:
Եռահարկ շենքում սկսել է այրվել տանիքը: Սակայն բարեբախտաբար հրշեջներին հաջողվել է մարել կրակի օջախը և կասեցնել տարածումը: Շենքի սրահներն ու ներքին հարդարանքը կրակի մարման ժամանակ չեն տուժել: