Ղարաբաղում ևս 11 մարմին են գտել
Ասկերանի վերին ենթաշրջանի (Սղնախ), Ջաբրայիլի և Հադրութի ուղղություններից հայտնաբերվել է 10 զինծառայողի, իսկ Հադրութի Վարդաշատ գյուղից՝ 1 քաղաքացիական անձի մարմին: Այս մասին հայտնել է Ղարաբաղի ԱԻՊԾ ներկայացուցիչ Հունան Թադևոսյանը։ «Զոհված զինծառայողների մարմինները հայտնաբերվել են մարտական դիրքերի հատվածներում: Քաղաքացիական զոհված անձը տարեց մարդ է: Նրա մարմինը գտել են տանը: Զոհվածի ինքնությունը հայտնի է. հարազատները ճանաչել են: Նշանակված է դատաբժշկական փորձաքննություն՝ քաղաքացու զոհվելու հանգամանքները պարզելու նպատակով»,- հավելել է պաշտոնյան։ Ընդհանուր առմամբ՝ առայսօր հայտնաբերվել են զինծառայողների և քաղաքացիական անձանց 1222 աճյուններ։ Թադևոսյանը նաև նշել է, որ այսօր երեք խումբ որոնումները շարունակելու են Հադրութի, իսկ մեկ խումբ՝ Ֆիզուլու և Ջաբրայիլի հատվածներում։ Զուգահեռ աշխատանքներ են իրականացվում նաև ողջ մնացածներին հայտնաբերելու ուղղությամբ: Զոհվածների մարմինների որոնման և նույնականացման աշխատանքները դեռևս շարունակվում են։ Վերջին տվյալներով՝ հրապարակված Արսեն Թորոսյանի կողմից, պատերազմի սկզբից մինչ հունվարի 4-ը իրականացվել է 3360 զոհված զինծառայողների մարմնի կամ մասունքի դատաբժշկական փորձաքննություն, կատարվել ավելի քան 2500 դատագենետիկական փորձաքննություն: Անճանաչելի մարմինների ԴՆԹ-նույնականացման գործընթացը դեռևս շարունակվում է։
Ավանդապաշտ ընդդիմադիրը դարձավ Ղրղզստանի նախագահ
Ժապարովի ընդդիմախոսները դեմ են նրա առաջարկած սահմանադրական փոփոխություններին․․․
Ադրբեջանի, Հայաստանի և Ռուսաստանի ղեկավարների երկրորդ եռակողմ հայտարարությունը
Աշխատանքային խումբը մինչև մարտի 1-ը կներկայացնի միջոցառումների ցանկը և ժամանակացույցը․․․
Ըստ Ալիևի՝ ԼՂ խնդիրը պատմություն է․ Փաշինյանը համաձայն չէ
Ալիևը շեշտել է՝ ղարաբաղյան խնդիրը այսուհետ պատմություն է։ Փաշինյանն «հակադարձել է»՝ ԼՂ հիմնախնդիրը դեռևս կարգավորված չէ...
Անմոռանալի 2020-ը
Տեսանյութն ամփոփում է 2020 թվականին լրատվամիջոցների և Գարիկ Ենգիբարյանի ուշադրությունը գրաված որոշ նյութերը։
Ժողովուրդը «դեմ է գնացել» Կադիրովին՝ նոր մզկիթի անվանակոչման հարցում
Նոր մզկիթը «բնակիչների խնդրանքով» կանավանակոչվի Կադիրովի անունով՝ «ի հակառակ վերջինիս ցանկության»։
Ամբողջատիրության ակունքները
Առաջընթացը և Դատապարտվածությունը միևնույն շքադրամի երկու երեսներն են. երկուսն էլ ոչ թե հավատքի, այլ սնահավատության արգասիք են...
Ապաշրջափակմամբ կզբաղվի եռակողմ աշխատանքային խումբը․ Պուտին
Ապաշրջափակմամբ կզբաղվի եռակողմ աշխատանքային խումբը՝ Ռուսաստանի, Ադրբեջանի և Հայաստանի փոխվարչապետների․․․
Ուսուցիչներին մարզեր են ուղարկելու նոր կարգով
2021 թվականի հունվարից ուժի մեջ է մտել Կրթության, գիտության, մշակույթի և սպորտի նախարարի հրամանը` սահմանամերձ կամ բարձրլեռնային բնակավայրերի ուսումնական հաստատություններ մասնագետների գործուղման վերաբերյալ։ Այս մասին տեղեկացնում է ԿԳՄՍՆ հասարակայնության հետ կապերի և տեղեկատվության վարչությունը: Նոր կարգով գործուղվող ուսուցիչներին առաջարկվում են ավելի բարենպաստ պայմաններ։ Գործուղված մասնագետին լրացուցիչ կհատկացվի. — մասնագետի և նրա ընտանիքի անդամների տեղափոխման տրանսպորտային ծախսերը․ միայն միկրոավտոբուսային երթուղի լինելու դեպքում` միկրոավտոբուսային երթուղիների համար սահմանված սակագնի չափով, իսկ միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված սակագնի չափով (նախկինում չի հատկացվել), — գույքի տեղափոխման տրանսպորտային ծախսերը․ մինչև 50 կիլոմետր ճանապարհի համար` 10000 դրամ, 50 կիլոմետրից ավելի յուրաքանչյուր 50 կիլոմետրի համար` 8000 դրամ, բայց ոչ ավելի, քան 50000 դրամը (նախկինում հատկացվել է գույքի տեղափոխման գումար` 15000 դրամ), — տարեկան 4 անգամ մշտական բնակավայր այցելելու համար տրանսպորտային ծախս․ միկրոավտոբուսային երթուղի լինելու դեպքում` միկրոավտոբուսային երթուղիների համար սահմանված սակագնի չափով, իսկ միկրոավտոբուսային և ավտոբուսային երթուղիներ լինելու դեպքում` ավտոբուսային երթուղիների համար սահմանված սակագնի չափով (նախկինում հատկացվել է ճանապարհածախսի փոխհատուցում` տարեկան մինչև 4 անգամ), — բնակարանային վարձի գումար՝ ըստ մարզերի տրված սահմանաչափով (10.000-33.000 դրամ, նախկինում հատկացվել է բնակարանի վարձ` ամսական 10.000 դրամ), — կոմունալ ծախսերի համար՝ ամսական 10.200 դրամ (նախկինում հատկացվել է կեցության այլ ծախսեր` ամսական 5000), — աշխատավարձի հավելում` 30 տոկոսի չափով (նախկինում չի հատկացվել), — վերոնշյալ հատկացումները տրամադրվում են մարզպետարանների (նախարարության ենթակայությամբ գործող հաստատության դեպքում) կողմից՝ եռամսյակային կտրվածքով։ Համաձայն նոր կարգի` ԿԳՄՍ նախարարությունն այսուհետ կստեղծի և կվարի գործուղվող մասնագետների թեկնածուների շտեմարան։ Այդ նպատակով պարբերաբար (յուրաքանչյուր տարի առնվազն 4 անգամ) նախարարության պաշտոնական կայքում կհրապարակվի համապատասխան հայտարարություն։ Ցանկացողները կդիմեն՝ ներկայացնելով դիմումի համապատասխան ձև։ Մանկավարժական կադրերի պահանջարկի մասին հայտերն էլ մինչև յուրաքանչյուր տարվա օգոստոսի 10-ը նախարարություն կներկայացնեն մարզպետարանները՝ (ուսումնական տարվա ընթացքում մանկավարժական կադրերի պահանջ առաջանալու դեպքում՝ նման պահանջ առաջանալուց հետո՝ 10-օրյա ժամկետում)։ Ընդ որում՝ մանկավարժական կադրերի պահանջարկը ձևավորվում է, եթե մինչ այդ առնվազն 2 անգամ հայտարարված մրցույթի արդյունքներով ուսուցչի թափուր տեղը չի համալրվել: Ակնկալվում է, որ նոր կարգը հեռավոր համայնքներում կլուծի ուսուցիչների պակասի խնդիրը։
Վրաստանի օլիգարխ ղեկավարը երկրորդ անգամ վերջնականապես լքում է քաղաքականությունը
Բիձինա Իվանիշվիլիի «Վրացական երազանք» կուսակցությունը, սակայն, շարունակում է իր գործունեությունը։
Պուտինը Ալիևի հետ շատ բան ունի քննարկելու. եռակողմ հանդիպման մասին
Ռուս խաղաղապահների կարգավիճակը Ղարաբաղում դեռ հստակեցված չէ․․․
Ղարաբաղում ևս 14 մարմին են գտել
Առայսօր հայտնաբերվել է 1211 մարմին