Դավաճանության մեջ մեղադրվողի փաստաբանը ցանկանում է, որ լրագրողները ագիտացիայի գործիք չլինեն

Պետական դավաճանության  մեջ մեղադրված և ապրիլի 4-ին դատարանի որոշմամբ 10 տարի ազատազրկման դատապարտված Աշոտ Չտրկյանի (լուսանկարում` սպիտակ վերնաշապիկով) և Ռոմիկ Մաթևոսյանի պաշտպանները, ինչպես նաև 1,5 տարի ազատազրկման դատապարտված Արթուր Ավետիքյանի փաստաբանը  բողոքարկելու են դատարանի որոշումը: Այս մասին պաշտպանները հայտնել են Epress.am-ի հետ զրույցում:

Չտրկյանի պաշտպան Հարություն Բաղդասարյանը և Մաթևոսյանի պաշտպան Սարգիս Ասլանյանը մտադիր են նաև մամուլի ասուլիս հրավիրել, որպեսզի հայտնեն դատարանի անօրեն որոշման մասին:

Ասուլիսը տեղի կունենա գալիք շաբաթ, փաստաբանները համաձայնեցնում են հարցը նաև Փաստաբանների պալատի հետ:

«Հ1-ը միայն դատավճռի  օրը եկավ, նկարահանում արեց: Ես ասացի` նրանք  պռոպագանդայի վարչություն են, ոչ թե ԶԼՄ: Ասուլիս անում ենք, որ շատ լրագրողներ գան, գրեն, որ սթափվեն և իրենց մի քիչ լրագրող զգան, ոչ թե  ագիտացիայի  գործիք»,- Epress.am-ի հետ զրույցում ասել է Հարություն Բաղդասարյանը:

Դատավճռի մասին հոդվածն ու տեսանյութը` այստեղ: