Հրդեհ «Հարսնաքարում». այրվել է 300 քմ տանիք

Սեպտեմբերի 21-ին, ժամը 16.50-ին ահազանգ է ստացվել, որ հրդեհ է բռնկվել Երևանի Աճառյան փողոցի 37 հասցեում` «Հարսնաքար» ռեստորանային համալիրի տանիքում: Դեպքի վայր են մեկնել 6 մարտական հաշվարկ, ՃԿԿ ԱԻ արձագանքման խումբը, Երևանի քաղաքապետարանի երկու ջրատար: Հայտարարվել է 2-րդ աստիճանի բարդության կանչ: Հրդեհը մեկուսացվել է ժամը 17.27-ին, մարվել` 17.38-ին: Այրվել է 300 քմ տանիք: