Փորձագետը տեսաուղերձում բացատրում է՝ ինչպես են լայքում «Ավելի լավ Երևան»-ի էջը

«Ավելի լավ Երևան» (ԱԼԵ) Facebook-յան էջը ավտոմատ «հավանում էին» (լայքում են) այն օգտատերերը, ովքեր մտնում են Mediamall կայքը, քանի որ այդ կայքի գլխավոր էջի կոդի մեջ կար դեպի «ԱԼԵ»-ի լայքը տանող սկրիպտ: Երեկ այս մասին Epress.am-ին ասել էր ոլորտի փորձագետ Նարեկ Հարությունյանը: Նյութի հրապարակումից հետո նա համացանցում լուսանկարը կեղծելու մեղադրանքներ էր ստացել, որից հետո տեսաուղերձում հերքել է մեղադրանքները և բացատրել է՝ ինչ է իրականում տեղի ունեցել: